(Midsayap, North Cotabato/ June 9, 2014) ---Nakalaya
na mula sa kamay ng kanyang mga abductors ang pinay na dinukot sa Semporna,
Malaysia at pinalaya ng Abu Sayyaf group (ASG) sa Jolo, Sulu kungsaan dumating
ang biktima sa kanyang tahanan alas 7:00 kagabi sa Midsayap, North cotabato.
Kinilala ang biktima na si Marcelita
Dayawan-Tamalla, 40, at residente ng Brgy Agriculture, Midsayap, North
Cotabato.
Taos pusong nagpapasalamat ang pamilya nito
sa Panginoon dahil dininig ang kanilang dasal na ito'y mapalaya at makauwi sa
kanilang tahanan.
Nagpasalamat naman ang biktima sa mga taong
tumulong para siya ay mapalaya mula sa kamay ng ASG kasama ang Chinese
national.
Magugunitang dinukot si Dayawan at Gao Hua
Yuan, 29, noong Abril 2, 2014 sa Singamata Adventures and Reef Resort, isang
floating resort na malapit sa Semporna.
Makalipas ang 58 araw sa kamay ng bandidong
ASG, hindi inakala ng mga ito na sila ay makakalaya pa.
Samantala kanya rin pinasalamatan si North
Cotabato Governor Emmylou Talino- Mendoza sa tulong na kanyang ibinigay sa
biktima. Rhoderick Beñez
0 comments:
Mag-post ng isang Komento