(Maguindanao/ June 11, 2014) ---Napaslang ang dalawang
miyembro ng rebeldeng Bangsamoro Islamic Freedom Fighter habang apat naman ang
nasakote matapos makasagupa ang tropa ng 45th Infantry Batallion sa liblib na
bahagi ng Barangay Libutan sa bayan ng
Mamasapano, Maguindanao kahapon ng umaga.
Ayon sa tagapagsalita ng 6th Infantry Division ng Phil.
Army na si Colonel Dickson Hermoso, nagsimula ang sagupaan bandang alas-5:50 ng
umaga kung saan nagpapatuloy hanggang sa sinusulat ang balitang ito.
Sinabi sa DXVL News ni Hermoso na patuloy nilang
itinataas ngayon ang alero samga lugar na madalas na sinasalakay ng mga
break-away group.
Napag-alamang tatlo sa apat na rebeldeng nasakote ng
militar ay pawang kababaihan kung saan nasamsam ang ilang malalakas na kalibre
ng baril, mga bala, bomba at isang van na sinasabing kinarnap.
Nagpapatuloy naman ang clearing at pursuit operation ng militar na pinangungunahan ni
Col. Donald Hongitan ng 45th Infantry Battalion. Rhoderick Beñez
0 comments:
Mag-post ng isang Komento