(North Cotabato/ June 11, 2014) ---Dalawang tour
guide mula sa Rehiyon - 12 ang nominado bilang Tourism Star sa Pilipinas.
Kinilala ang mga ito na sina Alexmara
Juanico ng General Santos City at Marlon Ceballos ng Kidapawan City.
Tour guide si Juanico sa lalawigan ng
Sarangani, South Cotabato at lungsod ng General Santos habang sakop naman ni
Ceballos ang Mt. Apo Natural Park sa Makilala, Magpet, Kidapawan at Mt. Apo
Peak sa bahagi ng North Cotabato.
Ayon kay Department of Tourism (DOT) 12
Regional Director Nelly Dillera, isang programa ng DOT ang Tourism Star
Philippines na kumukilala sa mga tourism frontliners na nagbibigay ng
magagandang karanasan sa mga turista at nagpapakita ng tunay na Filipino
hospitality, honesty, professionalism at promptness.
Sinabi pa ni Dillera na mahalagang mahikayat
ang mga nagtatrabaho sa tourism industry na itaas ang kalidad ng serbisyo upang
maging competitive ang isang lugar.
Hinihikayat din ng opisyal ang mga turista
na makibahagi sa pagkilala ng nasabing mga tourism stars.
Sa ilalim ng Tourism Star Philippines,
maaring i-nominate ang mga tour operator, tourist transport drivers, kawani ng
accomodation facilities, mga tourism entrepreneurs, government employees, mga
pulis, alkalde at gobernador.
Hanggang katapusan ng Hunyo ang nominasyon
para sa nasabing pagkilala.
0 comments:
Mag-post ng isang Komento