(Amas, Kidapawan City/ June 10, 2014) ---Kinumpirma
ng pamunuan ng Cotabato Police Provincial Police Office na ni-relieved sa
puwesto ang chief of police ng Mlang PNP na si PSI Sunny Leoncito.
Sa panayam ng DXVL News kay PSI Jojet
Nicolas ang tagapagsalita ng Cotabato Police Provincial Office na noon pang
Hunyo a-6 ibinaba ang order para i-relieve ang nasabing pulis opisyal.
Batay sa ulat, nagwala at nambugbog umano
ang nasabing Chief of Police at kanya pa umanong pinaputukan ang kasamang pulis
dahil sa di umano pagtupad ng kanyang tungkulin.
Itinanggi naman ni Leoncito ang nasabing
paratang at aniya ay paglalambing lamang nito sa kanyang tauhan.
Dahil dito, agad namang naghain ng reklamo
ang tauhan ng COP na si P02 Dayondon sa Internal Affairs Division bagay namang
sinibak pansamantala ang mataas na opisyal ng PNP.
Ito ayon kay Nicolas para mabiyan ng patas
na imbestigasyon ang dalawa.
Sa susunod na linggo kanila namang ilalabas
ang resulta ng pagsisiyasat.
Posibleng kasong administratibo ang
kakaharapin ng hepe.
Sa ngayon pinalitan ni PSI Joan Ressurecion
bilang Officer in-Charge ang sinibak na Chief of Police ng Mlang PNP. Rhoderick Beñez
0 comments:
Mag-post ng isang Komento