Libu-libo ang nakilahok sa isinagawang Peace
rally sa iba't ibang lugar sa Mindanao kahapon para ipanawagan sa kongreso ang
pagsasabatas sa Bangsamoro Basic Law o BBL.
Layunin ng Peace rally na maipakita ang
suporta ng iba't ibang sektor sa pagbuo ng Bangsamoro Political entity sa
Mindanao kapalit ng ARMM.
Isa sa mga sigaw ng mga raleyista ay para sa
mga spoilers na bigyan ng pagkakataon ang kapayapaan.
Una nang naisumite ng Bangsamoro Transition
Commission ang draft ng BBL kay Pangulong Noynoy Aquino noong nakaraang April
14 para mapag-aralan at malagdaan bilang urgent bill at bago ipasa sa kongreso
na magbabalik sa sesyon ngayong araw.
Nabatid na alas 6:00 pa lang ng umaga kahapon
ay nagsimula nang maglakad ang mga raleyista mula sa Grand Mosque sa Barangay
Kalanganan II, Cotabato city papunta ng City plaza kasama ang iba pang mga
residente at public officials mula sa iba't ibang bahagi ng Maguindanao.
Sa Pikit, North Cotabato, General Santos
city, isang kahalintulad ding aktibidad ang isinagawa ng libu-libong mga
tagasuporta ng GPH-MILF peace process mula sa Sarangani, South Cotabato at
Sultan Kudarat province.
Makikita naman sa placards at streamers ng
mga taga-Lanao del Norte ang "Congress, Do not Delay" na tumutukoy sa
pagsasabatas sa BBL.
Ayon sa grupong Mindanao Alliance for Peace
o MAP at Consortium for Bangsamoro Civil Society o CBCS, abot sa tinatayang 100
Civil Society Organizations o CSOs ang nakiisa sa rally na sabayan ring
isinagawa sa Tacurong city, Basilan at sa Jolo, Sulu. Krezel Dianne Sampani
0 comments:
Mag-post ng isang Komento