Written by: Jimmy Sta. Cruz
(Matalam, North Cotabato/ May 5, 2014) ---Nakauwi
na sa Matalam ang Grupong Muscovado ng Matalam High School matapos na sumabak
ito sa Aliwan Fiesta noong Apr. 24-26, 2014.
Sakay sila ng naglalakihang bus ng Rural
Transit, Inc. kasama ang kanilang trainer, ilang mga guro ng Matalam High
School at support staff.
Sinalubong naman sila ni Cot. Gov. Emmylou
“Lala” J. Taliño-Mendoza sa Matalam at binati sa mahusay na performance sa
Aliwan Fiesta.
Ayon kay Gov. Taliño-Mendoza, kahit hindi
nagwagi at di nakuha ng Grupong Muscovado ang kampeonato ng Aliwan Fiesta ay
nagawa naman nitong maipakita ang husay nila sa cultural street dancing at ang
makulay na Kalivungan Fiesta sa pamamagitan ng sayaw.
Sinabi ng gobernadora na hindi matatawaran
ang ipinakita ng Grupong Muscovado sa Aliwan Fiesta na tinaguriang “Mother of
All Festivals”.
Buo naman ang suportang ibinigay ni Gov.
Taliño-Mendoza sa grupo mula sa rehearsals hanggang sa pagpunta ng mga ito sa
Pasig City kung saan ginanap ang patimpalak.
Ayon kay Matalam High School Principal Ricky
A. Dalida, malaking karangalan ang ibinigay ng Grupong Muscovado sa paaralan at
ganun din sa bayan ng Matalam.
Hindi raw matatawaran ang ginawang
pagsisikap ng mga bata upang makasali sa naturang kompetisyon.
Naging kampeon sa Kalivungan Festival Street
Dancing Competition ang Grupong Muscovado noong 2013.
Pagkatapos nito ay pinagtuunan na ng panahon
ng grupo ang pagsali sa Aliwan Fiesta kung saan mahigit dalawang buwan din
silang sumailalim sa pagsasanay mula Pebrero at Marso, 2014. DXVL News
0 comments:
Mag-post ng isang Komento