Kabacan, North Cotabato/ June 7, 2013) ---Sugatan ang apat katao
makaraang magkasagupa ang Civilian Volunteer Organization (CVO) at Moro Islamic
Liberation (MILF) sa boundary ng Brgy. Langayen, Pikit at Brgy. Dungguan,
Aleosan, North Cotabato alas 4:00 kahapon ng hapon.
Sa impormasyong ipinadala ni Police Chief Inspector Jordine
Maribojo, hepe ng Pikit PNP sa DXVL News kinilala ang CVO na
nasugatan na si Rapani Saban nasa tamang edad residente brgy. Lingayen.
Habang tatlo naman sa panig ng MILF ang napaulat na nasugatan na
patuloy pang kinukumpirma ng pulis opisyal sa phone interview.
Sinabi ni 7th Infantry Battalion Philippine Army commanding
officer Col. Donald Gumiran na nagpang-abot umano ang mga CVO at miyembro ng
105th Base Command ng MILF na pinangungunahan nina Kumander Kuyo at Kumander
Nasser nabanggit na hangganan.
Tumagal ng mahigit sa dalawang oras ang palitan ng putok ng
magkabilang panig gamit ang matataas na uri ng armas.
Maraming mga sibilyan din ang nagsilikas patungo sa mga ligtas na
lugar sa takot na maipit sa kaguluhan.
Sinabi ni Maribojo na humupa ang sagupaan nang dumating ang
GPH-MILF Ceasefire Committee at International Monitoring Team (IMT) kasama sina
Aleosan Mayor Loreto Cabaya at Pikit Mayor Sumulong Sultan.
Land conflict ang itinuturong dahilan sa nasabing girian ngmga
armadong pamilya. (Rhoderick Beñez/09494939462)
0 comments:
Mag-post ng isang Komento