(Kabacan, North Cotabato/ June 5, 2013) ---Abot na sa 10,598 ang
naitalang enrolment ng University of Southern Mindanao Main campus as of June
4, 2013.
Ang impormasyon ay batay sa kalatas na ipinarating sa DXVL ni
University Director for Instruction Dr. Lorna Valdez.
Ayon sa opisyal possible pang madagdagan ang nasabing bilang dahil
hanggang ngayon ay nagpapatuloy pa ang enrolment sa Pamantasan.
Una ng inireport kasi nitong nakaraang linggo na abot lamang sa
tatlong libu ang mga estudyanteng nagpatala sa Pamantasan batay sa inisyal na
impormasyong nakuha mula kay University Registrar Lucia Cabangbang.
Aniya bumaba umano ang nasabing bilang dahil sa nagdaang gusot na
kinakaharap ng Pamantasan.
Ang USM, isa sa mga primyadong unibersidad sa Southern Philippines
na nagbibigay ng de kalidad na edukasyon sa larangan ng iba’t-ibang mga kursong
bigay nito.
Mindanao Institute of Technology o MIT ang dati nitong pangalan na
itinatag ni late Bai Hadja Fatima Matabay Plang na pormal na nagbukas noong
October 1,1954 at naging University ito noong March 13, 1978 sa pamamagitan ng
PD 1312.
Sa ngayon may kabuuang 1,024 na ektarayang sakop ang USM Main
campus na nasa bayan ng Kabacan, North Cotabato, Arakan Valley Campus na may
4,091 hectares, USM-Kidapawan city Campus-14.97 hectares at karamihan ay
ginagamit para sa agricultural projects. (Rhoderick Beñez)
0 comments:
Mag-post ng isang Komento