 |
(Carmen, North Cotabato/ June 7,
2013) ---Abot sa 20 mga pamilya na nasa road
right of way sa bayan ng Carmen, Cotabato ang nagsilikas tuwing gabi buhat sa
kanilang mga tahanan.
Ayon kay Cotabato
Gov. Emmylou “Lala” Taliño Mendoza delikado sa landslide ang kinalalagyan ng
nasabing mga residente dahil sa mga bitak sa mismong harapan ng kanilang mga
bahay resulta ng 5.7 magnitude na lindol at mga aftershocks nito.
Ayon sa opisyal,
pinalilikas sa mas ligtas na lugar ang mga apektadong residente tuwing gabi.
Kaugnay nito, hinahanapan na ngayon
ng relocation site ng Local Government Unit
(LGU) ng Carmen ang mga nabanggit para pansamantalang tutuluyan ng mga ito.
Sinabi ni Mendoza
na dapat ay maisama 20 mga pamilya sa mga binigyan ng tulong ng gobyerno na
apektado ng landslide.
Samantala, batay sa pinakahuling report ng Philippine Institute of
Volcanology and Siesmology o Phivolcs kahapon naramdman angmga aftershocks: 3.7
magnitude na lindol ala 1:50 kahapon ng madaling araw.
Sinundan ito ng 4.6
magnitude na lindol alas 3:00 ng madaling araw kahapon na may lalim na isang
kilometro lamang.
Habang alas 6:10
tumama naman ang after shock na may 3.5 magnitude na pagyanig at sinundan ito
ng 3.3 na pag-uga ng lupa dakong alas 4:22 ng hapon kahapon lahat sa bayan ng
Carmen ang sentro ay tectonic ang pinagmulan.
Pinakahuli
kagabi ay 3.8 Magnitude na lindol at may lalim na apat na kilometro kungsaan
naramdman ang intensity 2 sa Carmen at Bayan ng Matalam. (Rhoderick
Beñez)
Photo Courtesy: Carlo Agamon
0 comments:
Mag-post ng isang Komento