Pantawid pamilya sa Alamada, North Cotabato tumanggap ng tulong pangkabuhayan

(Alamada, North Cotabato/ June 7, 2013) ---Tinanggap kahapon ng Pantawid Pamilya beneficiaries sa bayan ng Alamada, North Cotabato ang tulong pangkabuhayan mula sa gobyerno.

Sa pangunguna ng Department of Social Welfare and Development o DSWD 12 ay abot sa P 1,350,000 na capital seed fund ang ipinamahagi sa mga benepisyaryo sa nasabing bayan na nabibilang naman sa Self- Employment Assistance-Kaunlaran Associations o SKA.

Kabilang dito ang mga sumusunod; Dry Creek SKA- P200,000, MANAKABA SKA- P300,000, Aktibong Kababaihan ng Lipunan SKA- P300,000, Rangayen SKA- P300,000, at Camansi Talipapa SKA- P250,000.

Una nang sumailalim ang mga benepisyaryo sa Community Driven and Enterprise Development training na naglalayong magkaroon ng kasanayan ang mga benepisyrayo sa pamamalakad ng kanilang napiling negosyo.

Nabatid na ipinamahagi ang kaparehong tulong pinansiyal sa Pantawid Pamilya beneficiaries sa Pigcawayan nitong nakalipas lamang na buwan upang makapagsimula din sila ng kanya-kanyang hanapbuhay.

Katuwang ng DSWD sa pagpapatupad ng programa ang opisina ni Rep. Jesus N. Sacdalan sa pamamagitan ng pagsusulong ng ‘Pangkabuhayan Para Sa Kapayapaan’ –Sustainable Livelihood Program.

Nagmula ang pondo sa Priority Development Assistance Fund o PDAF ng unang distrito ng North Cotabato. (Roderick Bautiusta)