(Kabacan, North Cotabato/ May 7, 2013) ---Niyanig
ng malakas na pagsabog ang ilang mga residente ng Kabacan alas 10:00 kagabi.
Sa inisyal na pagsisiyasat ng Kabacan PNP
naganap ang insedente sa Sitio Liton, Brgy. Kayaga ng bayang ito.
Sa panayam ng DXVL Radyo ng Bayan kay Supt.
Leo Ajero ngayong umaga, sinabi nitong target umano ng di pa nakilalang mga
salarin ang tower ng National Grid Corporation of the Philippines o NGCP sa
lugar.
Inaalam nila ngayon kung may natatanggap na
extortion ang nasabing kompanya.
Agad namang tinungo ngayong umaga ng mga
elemento ng Kabacan PNP, Philippine Army sa pamumuno ni 7IB Lt. Larry Valdez, Cotabato
Police Provincial Office EOD team ang lugar.
Narekober ng mga otoridad ang 1 Nokia
Cellphone, apat na piraso ng 9volt battery at ilan ang mga circuits at wires na
gainamit sa paggawa ng Improvised Explosive Device o IED.
Walang namang may naiulat na nasaktan o
nasawi sa nasabing pagsabog kagabi habang inaalam pa ang motibo sa nasabing
pambobomba.
Posibleng Pipe bomb umano na uri ng IED ang
ginamit sa nasabing pagpapasabog, batay sa inisyal na imbestigasyon ng mga
imbestigador kagabi. (Rhoderick Beñez)
0 comments:
Mag-post ng isang Komento