(Kabacan, North Cotabato/ May
8, 2013) ---Dalawang insedente ng pamamaril ang naganap sa Brgy. Saguing sa
bayan ng Makilala, Cotabato.
Alas 10:00 kamakalawa ng
gabi nangyari ang unang insedente at ang ikalawa ala 1:00 ng madaling araw
kahapon.
Pinaka-unang biktima si Dennis
Regidor, 32, empleyado ng DOLE Stanfilco at residente ng Brgy Saguing Makilala.
Ayon sa report, papauwi na
ang nasabing biktima at pagdating nito sa harap ng kanilang bahay bigla na
lamang nilapitan ng isang lalaki at walang abu-abong pinagbabaril ang biktima
gamit ang kalibre .45 na pistola.
Nagtamo ang bigktima ng
malubhang tama ng bala sa kanang bahagi ng kanyang braso.
Samantala, kinilala ang ikalawang biktima ng
pamamaril na si Reynaldo Leong, 51, residente ng
Brgy Singao, Kidapawan City na nagtamo ng iba’t-ibang tama ng bala sa
iba’t-ibang bahagi ng katawan nito.
Ayon sa report, habang
papalbas ang biktima mula sa Saguing galyera o sabungan biglang nilapitan ng
suspek at binaril sang biktima sa ulo.
Di pa makuntento ang
suspek, binaril pa nito ng ilang beses ang biktima kahit na nakahandusay na at
naliligo sa sarili nitong dugo.
Tumakas ang suspek na
parang walang nangyari dahil naglalakad lang ito pa alis buhat sa crime scene.
Kapwa isinugod ang dalawang
biktima sa bahay pagamutan sa Kidapawan city habang nagpapatuloy naman ang
imbestigasyon ng Makilala PNP kung anu ang motibo at sinu ang responsable sa
nasabing krimen. (Rhoderick Beñez)
0 comments:
Mag-post ng isang Komento