(Arakan, North Cotabato/
May 9, 2013) ---Pinalaya na ng New People’s Army o NPA ang dinukot na Pulis na
si Police Officer 3 Maula Tato Ali ng Arakan PNP sa brgy. Kabalantian, Arakan,
North Cotabato alas 2:30 kahapon.
Ang paglaya sa opisyal ay
kinumpirma ni NPA Regional Political Department Ka Simon Santiago.
Ayon kay Santigao,
mismong ang NPA’s Mount Apo sub-regional command ang nag-turn-over kay Ali sa
mismong asawa nito at sa mga grupo ng mga peace advocates sa Mindanao.
Agad namang isinailalim
si Ali sa medical Check-up.
Sinabi naman ng pamunuan
ng NPA na sa kabila ng presensiya ng tropa ng gobyerno, itinuloy pa rin nila
ang paglaya sa Prisoners of War o POW.
Dagdag pa nito na may
mga nakaposisyon umanong mga sundalo ang 8th IB ng 10th Infantry
Division walong kilometro ang layo mula sa erya.
Dalawa umanong mga
sundalo ang iniulat na napatay ng sniper ng Mount Apo sub-regional committee
buhat sa mga sundalo ng 8th IB, ayon pa kay Santiago.
Pero ang mga army naman
sa North Cotabato ay di pa nakumpirma ang nasabing report kagabi. (Rhoderick
Beñez)
0 comments:
Mag-post ng isang Komento