(Mlang, North Cotabato/ May 10, 2013) ---Sugatan
ang isang supporter ng kandidato sa pagka gobernador makaraang ambushin ang mga
ito sa bayan ng M’lang, North Cotabato alas 3:00 ng hapon kamakalawa.
Ayon sa report habang binabaybay ng dalawang
Pick-up at isang multicab ng serbisyong totoo team ang National Highway para
sana sa gagawing People’s Caucus ay bigla na lamang hinarang ang mga ito ng
isang puting Van na may plate number MBG 533 ang tinatahak na highway,
partikular sa brgy. Buayan.
Lumabas ang limang mga armadong kalalakihan
mula sa Van habang lumabas din ang isang lalaking kinilalang si Philippi Bedia
mula nasabing convoy.
Niratrat ng mga armadong kalalakihan si
Bedia kungsaan tinaman ito sa ulo.
Agad namang isinugod sa ospital ang biktima
habang mabilis namang tumakas ang mag responsable.
Sa impormasyon, tatlong mga supporter umano
ng katunggaling pulitiko sa gubernatorial race ng North Cotabato ang sakay sa
nasabing Van na kinilalang sina ‘alyas payat” alyas dante at alyas “bobong”,
ayon sa report ng Mlang PNP.
Sa ngayon dinala na sa isang ospital sa
Davao City ang sugatan biktima habang nagpapatuloy ang ginawang imbestigasyon
ng Mlang PNP sa nasabing insedente. (Rhoderick Beñez)
0 comments:
Mag-post ng isang Komento