(Matalam, North Cotabato/ May 10, 2013) ---Dalawang
empleyado ng Villa Oro Resort ang sugatan makaraang tinamaan ng ligaw na bala
ng aksidenteng pumutok ang nilalaruang baril
ng security guard alas 6:40 kagabi.
Kinilala ni SP01 Froilan Gravidez ng Matalam
PNP ang mga biktima na sina Ian Sulotan, 15, binatilyo nagtamo ng tama ng bala
sa itaas na bahagi ng dibdib nito at tumagos sa kanyang kuya na kinilalang si
kay Joni Sulotan, 18 tinamaan din sa kanang kili-kili nito.
Ang dalawa ay kapwa resident eng bayan ng
Makilala, ayon sa report.
Kinilala naman ang suspek na si Mateo
Villadar, 22 taong gulang, walang asawa, residente ng Luna St., Cotabato City.
Batay sa inisyal na pagsisiyasat, lumalabas
na habang on duty ang suspek at nakikipagtalastasan sa dalawang mga biktima na
nasa harapan niya ay nilalaruan nito ang kanyang hawak na baril.
Aksidenteng pumutok ay ikinasugat ng
dalawang mga biktima.
Ang mga biktima ay mabilis na isinugod sa
cotabato Provincial Hospital, sa Amas, Kidapawan City para mabigyan ng medikal
na atensiyon.
Habang ang nasabing security guard ay
inilagay sa Matalam Lock-up cell habang nagpapatuloy ang imbestigasyon at para sa
tamang disposasyon. (Rhoderick Beñez)
0 comments:
Mag-post ng isang Komento