(Kabacan, North Cotabato/ May 28, 2013) ---Nababahala
na ngayon ang Municipal Health Office ng Kabacan sa mataas na kaso ng dengue sa
bayan.
Sa pinakahuling data na nakuha ng DXVL News
sa RHU pumalo na ngayon sa pitumpu’t limang porsiento o katumbas sa kabuuang 18
mga barangay ang apektado ngayon ng naturang sakit.
Sa ulat ni Disease Surveillance and Health
Emergency management Coordinator Honey Joy Cabellon abot sa mahigit sa
isangdaang mga indibidual na ang isinugod sa iba’t-ibang mga ospital dito sa
Kabacan dahil sa dengue mula buwan ng Enero hanggang sa kasalukuyan.
Sa bilang na ito pinakamataas pa rin na kaso
ang naitala sa Poblacion, sinundan ng brgy. Osias, Kayaga, Aringay, Cuyapon,
Dagupan, Katidtuan, Kilagasan, Lower Paatan, Magatos, Malamote, Malanduage,
Nangaan at Pisan.
Kaugnay nito, muling nagpaalala ang pamunuan
ng RHU Kabacan na pinamumunuan ni Dr. Sofronio Edu, Jr na palakasin pa ang
information education campaign kontra dengue, bukod pa sa pagsasagawa ng
regular clean up drive sa mga puroks sa bayan.
Iginiit pa nito na magsagawa ng monitoring
at reporting ng dengue cases sa kanilang tanggapan.
At ang mahigpit na pagpapatupad ng 4S
campaign ng DOH kontra sakit na dengue: 1.
Search and Destroy; 2.Seek medical consultation; 3.Say no to indiscriminate
fogging; 4.Self-protection measure. (Rhoderick Beñez)
0 comments:
Mag-post ng isang Komento