(Kabacan, North Cotabato/ May 27,
2013) ---Na-a-agnas na ng makita ang isang bangkay na palutang-lutang sa
Pulangi River sa Brgy. Buluan, Kabacan, Cotabato alas 7:00 kahapon ng umaga.
Partikular na nakita umano ang
nasabing bangkay malapit lamang sa coconut plantation na pag-mamay-ari ng isang
Datu Gumbay Mantawil.
Ayon sa report ni 7th IB
Commanding Officer Lt. Larry Valdez ang nasabing bangkay ay isang lalaki
nakasuot ng puting jacket at naka t-shirt na kulay pula, asul na underwear at
wala na umanong pang-ibabang damit.
May suot umano ang di pa nakilalang
biktima ng kulay pulang motorcycles gloves, kwentas na may kulay dilaw na
tribal pendant, sports wrist na kulay itim na relo at pula.
Nasa 5’3 hanggang 5’7 umano ang taas
ng nasabing bangkay, ayon sa opisyal.
Sa isinagawang pagsisiyasat ng
Kabacan PNP, nabatid na may saksak umano
sa kaliwang kili-kili ang nasabing biktima na nasa stage of
decomposition na. (Rhoderick Beñez)
0 comments:
Mag-post ng isang Komento