(Kabacan, North Cotabato/ May 27,
2013) ---Unti-unti ng nakabalik sa kanilang pamamahay ang ilang mga residente
na naapektuhan ng tensiyon sa brgy. Sanggadong, Kabacan, North Cotabato.
Sa panayam ng DXVL News kay 7th
Infantry Battalion commanding Officer Lt. Larry Valdez tiniyak ng tropa nila na
makakabalik ng maayos ang ilang mga residente na naapektuhan ng nasabing girian
ng dalawang pamilya sa lugar.
Inaasahang mag-uusap ang dalawang
pamilya na sangkot sa nasabing kaguluhan.
Sa hiwalay na panayam sa opisyal
sinabi nitong ang nangyaring tensiyon sa brgy. Sanggadong ay walang kinalaman
sa nangyaring sagupaan ng MILf at MNLF sa brgy. Marbel, Matalam, Cotabato.
Noong nakaraang linggo nagbigay na
nang tulong ang MSWDO Kabacan sa mga bakwit, kasama ang RHU Kabacan nilibot din
nila ang mga pamilyang apektado kungsaan namigay ng mga gamot ang mga ito sa
ilang mga bakwit na nagkakasakit.
Matatandaang abot sa higit Tatlong
daang mga pamilya ang nagsilikas mula sa nabanggit na brgy dahil sa takot na
madamay ng mamataan ang presensiya ng armadong grupo sa lugar. (Rhoderick
Beñez)
0 comments:
Mag-post ng isang Komento