(Kabacan, North Cotabato/ May 28, 2013) ---Hinablot
at tsaka tinutukan ng baril ang isang 22-anyos na lalaki habang naglalakad ito
sa Bonifacio St., papunta ng National Highway, Poblacion ng Kabacan alas 5:00
kaninang umaga.
Batay sa report na nakarating sa himpilan ng
Kabacan PNP, kinilala ang biktima na si Reynard Collado Dulay, binata at
residente ng nabanggit na lugar.
Patawid na sana ang biktima sa National
Highway bago makarating sa round tire ng biglang sumulpot ang tatlo katao sakay
sa isang Bajaj single motorcycle kulay asul at tinutukan ng isa sa mga tatlong suspek
si Dulay gamit ang .45 na kalibre ng pistol.
Walang nagawa ang biktima kungsaan tinangay
ng mga salarin ang bag nito na naglalaman ng ilang mahahalagang dokumento
kagaya ng TIN ID, Philhealth ID, Voter’s ID at P800 na cash maliban pa sa
dalawang unit ng cellphone na natangay: Samsung Galaxy at isang Nokia cell
phone.
Samantala, isang inuupahang bahay ang
nilooban kaninang madaling araw sa isang kalye sa Poblacion ng Kabacan.
Ayaw namang idenitalye ng biktima ang
pangyayari, bagama’t nalimas ang mga gamit nito.
Nakarecord naman ngayon ang impormasyon sa
Kabacan PNP blotter log book. (Rhoderick Beñez)
0 comments:
Mag-post ng isang Komento