(Kabacan, North Cotabato/ May 30, 2013) ---Nagsilikas
ang abot sa 1,140 na mga indibiduwal mula sa Sitio Tagaticin at Sitio Budchi
buhat sa Brgy. Ilian ng bayan ng Matalam makaraang mamataan ng mga ito ang
presensiya ng mga armadong grupo na pinaniniwalaang kasapi ng Moro Islamic
Liberation Front o MILF.
Sa report na ipinarating ni SP01 Froilan
Gravidez sa DXVL News, muli umanong nilisan ng mga residente ang kanilang lugar
dahil sa tensiyong nangyari noong Lunes ng mamataan ang abot sa 100 kasapi ng
armadong grupo na ayon sa report ay buhat sa Kabacan.
Kaugnay nito, nagsagawa ng imbestigasyon ang
Pulisya sa pamumuno ni Provincial Director S/Supt. Danilo Peralta ng at ng militar
para alamin ang nasabing report kung bakit may mga presensiya ng armado sa
lugar ng sa gayung may napagkasunduan namang Memorandum of Agreement o MOA ang
mga ito.
Nakipag-ugnayan ang pulisya at sundalo kay
Local Monitoring Team Chair Jabib Guaibar at kay Kumander Jonar Mustapha ng 110th
Base Command ng MILF, pero wala umanong alam ang mga ito sa presensiya ng
armadong grupo sa Brgy. Ilian.
Ang nasabing grupo ay lumabag sa MOA
particular na sa paragraph 4,5 at 6 na kanilang nilagdaan.
Sa ngayon, pansamantalang nanunuluyan ang
mga IDP’s sa brgy. Hall ng Brgy. Kilada, Matalam. (Rhoderick Beñez)
0 comments:
Mag-post ng isang Komento