Mga evacuees; unti-unti na umanong nagkakasakit

(Kabacan, North Cotabato/ May 23, 2013) ---Unti-unti na umanong nagkakasakit ngayon ang ilang mga evacuees buhat sa brgy. Sanggadong sakop ng bayan ng Kabacan matapos na nagsilikas ang karamihan sa mga residente doon simula pa nitong nakaraang gabi.

Ito ang nabatid mula kay Health Emergency and Disease Surveillance Coordinator Honey Joy Cabellon batay naman sa mga report na kanilang natanggap mula sa erya.

Nabatid na apektado rin kasi ngayon ng tension ang nasabing brgy dahil sa namataang presensiya ng armadong grupo sa lugar resulta na rin ng nangyaring sagupaan ng MILF at MNLF sa Brgy. Marbel, Matalam, North Cotabato.

Batay sa pinakahuling data ng MSWDO Kabacan abot na sa 338 pamilya o katumbas ng 1,690 ang kabuuang indibidwal ang nagsilikas mula sa brgy. Sanggadong at Dagupan kapwa mula sa bayan ng Kabacan at ilang mga pamilya mula sa Brgy. Marbel sa Matalam.

Sa ngayon pansamantalang nanunuluyan ang mga ito sa ilang pasilidad ng brgy Dagupan, Aringay, katidtuan at Malanduage.

Sa panayam ng DXVL kay Local Monitoring Team Chair Jabib Guiabar nabatid na ang pinag-ugatan ng away ng dalawang grupo ay rido ng pamilya at land conflict kungsaan ang daalwang pamilya ay kapwa kanilang sa nabanggit na organisasyon.

Sumiklab ang labanan noong Mayo a-6 na nagresulta ng pagkakalikas ng maraming pamilya.

Sinabi ni Guiabar na posibleng ngayong araw ay pasukin nila ang erya at kausapin ang dalawang mga naglalabang grupo matapos, isinagawa ang diyalogo sa Villa Oro resort sa Poblacion, Matalam. (Rhoderick Beñez)