Breaking NEWS: IED sumabog sa kabacan, North Cotabato; ngayong gabi lamang!

(Kabacan, North Cotabato/May 19, 2013) ---Ginulantang ng malakas na pagsabog ang bayan ng Kabacan, North Cotabato ngayong gabi lamang.

Ayon sa Kabacan PNP, isang Improvised Explosive Device o IED ang sumabog sa may Aglipay St., partikular sa harap ng Pacifica Agrivet Supply tabi lamang ng Dalton Pawnshop, Poblacion ng bayang ito alas 7:45 ngayong gabi.

Sa panayam kay P/Insp. Tirso Pascual ng Kabacan PNP, wala namang may naiulat na nasawi sa nasabing pagsabog maliban na lamang sa kasiraang idinulot ng nasabing pambobomba.

Nabasag ang ilang mga salamin ng establisiemento at debris ng semento.

Agad namang kinordon ang lugar kungsaan nangyari ang pagsabog sa tulong na rin ng EOD team.

Di pa mabatid ng pulisya kung anu ang motibo ng panibagong pagsabog habang nagpapatuloy pa ang nasabing imbestigasyon.

Ito na ang ikaapat na pagsabog sa bayan sa loob lamang ng isang linggo.

Ang pinakahuli ay ang panghahagis ng granada sa may Malvar St. kungsaan patay ang 7 buwang sanggol na babae at ikinasugat ng ina natong si Suhaina Eliarda.

At ang nangyaring pagsabog sa Kabacan Pilot Central elementary School.

Ang nasabing pangyayari ay una ng itinanggi ni Kabacan Mayor George Tan na wala siyang kinalaman at sa halip kanyang sinabihan ang mga kriminal na tigilan na ang panggugulo sa bayan na walang maidudulot na maganda sa umuunlad at umuusbong na Kabacan. (Rhoderick Beñez)