(Kidapawan City/ May 23, 2013) ---Patay ang
mag-asawang may ari ng isang hardware habang sugatan naman ang dalawang
trabahante nito makaraang ratratin ang mga ito ng mga di pa nakilalang mga
suspek sa loob ng kanilang pamamahay sa isang Subdivision sa Kidapawan City alas
10:30 kagabi.
Kinilala ni Supt. Chino Mamburam, hepe ng
Kidapawan City PNP ang mga biktima na sina Gina Bayhon, may bahay ng dating
military Officer habang patay din ang ka-live in nito na may-ari ng Donamae
Hardware na si Kenneth Gelloriza.
Sugatan din ang dalawang mga trabahante ng
nasabing hardware na sina Faith Penaflorida at Ivy Penalosa.
Ayon sa report, kararating lamang umano ng
mga biktima sa kanilang bahay ng pinaulanan ng bala ang mga ito ng riding in
tandem gamit ang armalite rifle.
Mabilis namang isinugod ang mga biktima sa
bahay pagamutan sumablit ideneklarang dead on arrival sa hospital sina Bayhon
at Gelloriza habang nagtamo naman ng iba’t-ibang tama ng bala sina Penaflorida
at Penalosa.
Naniniwala si Mamburam na posibleng personal
grudge o di kaya may kinalaman sa negosyo ang sinusundan nilang motibo sa
nasabing pamamaril.
Nabatid na si Bayhon ay may nakabinbing kaso
sa korte.
Aminado si Mamburam na ang mga suspek ay gun
for hire.
Pero pinagtatakhan nito kung bakit sa kabila
ng mahigpit na pagpapatupad ng gun ban sa lungsod ay nakakalusot pa rin ang mga
kriminal sa pagdadala ng matatas na uri ng baril. (Rhoderick Beñez)
0 comments:
Mag-post ng isang Komento