(Kabacan, North Cotabato/ May 22, 2013) ---Patuloy pa ngayong
pinaghahanap ng kanyang kamag-anak ang pitong taong gulang na bata makaraang
malunod ito noong Lunes ng tanghali sa may Pulangi river na nasa Sitio
Lumayong, Kayaga, Kabacan, Cotabato.
Kinilala ni Javar Abdullah Aban, 28, ang biktimang bata na si
Jun-jun Mangandili, tubong Lumayong.
Batay sa report, kasama ng biktima ang kanyang kuya na
kinilalang si Jun Jovert ng naliligo ang mga ito sa nasabing ilog.
Dahil sa lakas na agos ng tubig kahapon natangay ang pitong
taong gulang na bata habang wala namang nagawa ang kuya nito ng nakitang
nalulunod na ang nakababatang kapatid, ito ayon kay Aban na nagsalaysay ng
pangyayari sa DXVL News ngayong umaga.
Hanggang kahapon ng hapon ay wala pang report na nakita na
ang bata.
Posibleng tinangay ang bata papuntang Rio Grande de Mindanao
sa bahagi ng Tunggol, Datu Montawal, Maguindanao.
Kaugnay nito nananawagan ang kamag-anak ng biktima na kung
sinuman po ang nakakita ng nasabing bata na nasa edad 6-hanggang pitong taong
gulang makipag-ugnayan sa 0906-8960-391. (Rhoderick Beñez)
0 comments:
Mag-post ng isang Komento