(Matalam, North Cotabato/ May 20, 2013) ---Dead
on Arrival sa ospital ang isang 44 na taong gulang na lalaki makaraang
pagbabarilin ng riding in tandem sa may National Highway, partikular sa harap
ng Sea Oil Gasoline Station, Poblacion, Matalam, Cotabato alas 11:25 kagabi.
Kinilala ni SP01 Froilan Gravidez ng Matalam
PNP ang biktima na si Marlon Canuto, may asawa, magsasaka at resident eng brgy.
New Alimodian ng nabanggit na bayan.
Batay sa inisyal na pagsisiyasat ng mga
otoridad, binabaybay ni Canuto ang National Highway sakay sa kanyang kulay asul
na 100 Kawasaki walang plate number lulan ang backrider na kinilalang si Larry
Sosmeña Jr., residente ng Tuscano St., Poblacion, Matalam.
Pagdating sa nabanggit na lugar ay pinaulan
ang mga ito ng bala ng riding in tandem gamit ang di pa matukoy na uri ng
armas.
Nagtamo si Canuto ng iba’t-ibang tama ng
bala sa iba’t-ibang bahagi ng katawan nito habang minor injury naman ang tinamo
ni Sosmeña.
Mabilis na isinugod ang mga sugatan sa
pinakamalapit na bahay pagamutan subalit ideneklarang dead on arrival si Canuto
ngmga doctor.
Agad namang tumakas papalayo angmga salarin
sa di malamang direksiyon.
Sa ngayon nagpapatuloy pa ang imbestigasyon
ng Matalam PNP kung anu ang motibo sa nasabing pamamaril. (Rhoderick Beñez/09494939462)
0 comments:
Mag-post ng isang Komento