(USM, Kabacan, North Cotabato/ January 3,
2013) ---Sinabi sa DXVL Radyo ng Bayan ni USM Pres. Dr. Jesus Antonio Derije na
wala siyang kaba at handa umano nitong tanggapin kung anu man ang magiging
desisyon ng kanyang re-appointment bukas.
Tiwala ang opisyal na nagampanan nito ng
mabuti ang kanyang tungkulin bilang pangulo ng Pamantasan sa pagpapalakas at
pagpapatatag ng four fold function ng University of Southern Mindanao.
Bagama’t aminado ang Pangulo na hindi
perpekto ang kanyang pamunuan, bukas naman umano siya sa anumang kritisismo at
payo mula sa kanyang kritiko.
Iniuugnay pa ng Pangulo sa papalapit na
halalan ang malaking kaganapan bukas sa Pamantasan na parang eleksiyon din,
pero nilinaw nito na hindi bukas ang office of the President dahil walang
magaganap na search for the posisyon ng pagka-pangulo sa Pamantasan dahil
aniya, sinasaad sa batas na ang incumbent President ay entitled for
re-appointment.
Bukod dito, nag-courtesy call din si Dr.
Derije kasama ng mga kasamahan noong Disyembre 30 sa masyon ni Cotabato Gov.
Emmylou “Lala” Taliño Mendoza at ipinakita ang kumpletong dokumentong certified
true and correct at authenticated ng chairman ng Bids and Award Committee na si
Dr. Antonio Tacardon.
Ito ang naging alegasyon umano ng ilang mga
kritiko ng Pangulo at sa ilan pang mga kasamahan sa Pamantasan.
Ang nasabing dokumento ay isusumite ni
Executive assistant to the Pres. Bebot Moneva sa Provincial Capitol at bibigyan
din nila ng kopya ang Board of Regents o BOR ng USM. (Rhoderick Beñez)
0 comments:
Mag-post ng isang Komento