Ground Breaking & Capsule-Laying ng Longest Zipline sa Southeast Asia na nasa Makilala; isinagawa

(Makilala, North Cotabato/ January 3, 2012) ---Isinagawa kaninang umaga ang ground breaking & Capsule –Laying ng longest Zipline sa Southeast Asia na makikita sa Brgy. New Israel sa bayan ng Makilala, North Cotabato.

Naguna sa nasabing seremonya si Cotabato Governor Emmylou “Lala” Talino Mendoza kasama ang ilang mga miyembre ng Sangguniang Panlalawigan, Makilala Mayor Rudy Caoagdan kasama ng ilang mga municipal officials at brgy opisyal ng Brgy New Israel.

Sumaksi din sa nasabing aktibidad kanina si Department of Tourism Regional Director Jose Cabulanan kungsaan kasama nitong pinopromote sa kanilang programa ang mga bagong tuklas na tourist destination sa probinsiya ng North Cotabato.

Sinabi naman ni Mendoza na makalipas ang dalawang buwan na pwede ng magamit ang itinuturing na longest at state of the art zipline hindi lamang sa Mindanao kundi maging sa buong Southeast asia na makikita ditto sa North Cotabato.

Dagdag pa nito na ang probinsiya ng North Cotabato ay handa na sa turismo at isa ito sa mga indikasyon na nagiging stable na ang peace ang order sa lugar bagama’t di maiiwasan ang ilang mga kaguluhan, ayon pa sa gobernador.

Iginiit pa nito na may pera sa turismo.

Ang development ng New Israel Eco-tourism Park at konstruksiyon ng 1.2kilometro at 1.0kilomentrong Zipline ay buhat sa buwis na ibinibigay ng EDC na nagkakahalaga ang nasabing proyekto ng abot sa P5.8M. (Rhoderick Beñez)