(Kabacan, North
Cotabato/ January 2, 2013) ---Patay ang isang 28-anyos na kasapi ng brgy.
Police sa bayan ng M’lang makaraang pagbabarilin ng di pa nakilalang suspek
gamit ang di pa matukoy na uri ng baril sa National Highway, particular sa
Rizal St. malapit sa gilid ng LBC at Mercury drugstore sa Poblacion, Kabacan
alas 9:00 kagabi.
Ayon sa impormasyong
nakalap ng DXVL News mula sa himpilan ng Kabacan PNP, kinilala ang biktima sa
pangalang Jene Dengui Jordan, 28-taong gulang, may asawa at residente ng New
Antique sa bayan ng Mlang.
Sa inisyal na
pagsisiyasat ng mga otoridad, lumalabas na naghihintay umano ang biktima sa
katatagpuing textmate na buhat sa Jacinto St., Poblacion ng bayang ito ng
tinatahak sakay sa kanyang motorsiklo ang kahabaan ng National Highway ng ito
ay pagbabarilin sa gilid ng LBC.
Nagawa pa umanong
makatakbo ng biktima at nagtago sa likurang bahagi ng living water na nasa
likod ng shooters establishment, pero tuluyan na rin siyang binawian ng buhay
habang isinugod naman sa ospital ang isa pang kasama nito.
Isa sa mga anggulong
tinitingnan ng mga otoridad ay ang love triangle, bagama’t kinuha umano ang
sinasakyang motorsiklo nito ng di pa matikoy na suspek at possible rin umanong
carnap ang motibo.
Possible rin umanong
family problem o personal grudge ang motibong ini-establish ng mga otoridad.
Ito ang unang kaso ng
pamamaril ang naitala sa bayan sa unang araw ng taong 2013. (Rhoderick Beñez)
0 comments:
Mag-post ng isang Komento