(Kidapawan City/September 12, 2012) ---Ihahatid na sa
kanyang huling hantungan ang binaril at napatay na Tourism Officer ng Kidapawan
na si Marie Fe Geronga-Pame sa Cotabato Memorial Park, mamayang alas otso ng
umaga.
Sinabi ni City Information Officer Psalmer
Bernalte, kasama ang buong LGU Kidapawan sa paghatid sa pinaslang na opisyal at
damayan ang mga naulila nito.
Kahapon, bandang
alas kwatro ng hapon ay inilipat ang mga labi ni Pame mula Collado Funeral
Homes patungo sa lobby ng City Hall para sa public viewing.
Samantala, hustisya pa rin ang sigaw ng mga
kaanak ni Pame.
Hiling nila ang agarang paghuli sa mastermind
sa krimen upang mapanagot ito sa batas.
Matatandaang pinaslang si Pame sa mismong
tahanan nito ng isa sa mga lalaking sakay ng motorsiklo sa Sandawa Homes noong
September 4.
0 comments:
Mag-post ng isang Komento