(Kabacan, North Cotabato/September 12, 2012)
---Bulagta at naliligo sa sariling dugo ang isang tulak droga habang binawian
na rin ng buhay sa USM hospital ang isa pang kasama nitong riding in tandem
makaraang mabaril sa highway ng Sitio Malabuaya, Brgy. Kayaga, Kabacan,
Cotabato alas 5:00 kahapon ng hapon.
Sa inisyal na pagsisiyasat ng mga otoridad
na pinamumunuan ni Supt. Leo Ajero, ang bagong hepe ng Kabacan PNP nabatid mula
sa kanilang pinagkakatiwalaang source na may dalawang drug couriers buhat sa
Pagalungan, Maguindanao ang dedespatsa sana ng shabu sa Kabacan.
Kaya sa tulong ng Philippine Drug
Enforcement Agency 12 kasama ng mga elemento ng Kabacan PNP kanilang ikinasa
ang dragnet operation kontra sa mga drug couriers at tinungo ang lugar.
Nang matunugan ng mga suspek na paparating
ang mga pulis, dalawang mga lalaki na riding in tandem sakay sa kulay itim na
single Suzuki Raider 150, walang plate number ang papatakas.
Nang akmang, aarestuhin na sila ni P/Insp.
Tirso Pascual, bumunot umano ng baril ang isa sa angkas ng riding in tandem na
di pa nakilala sa report ng kanyang kalibre .38 na baril dahilan kung bakit
inunahan ng siyang barilin ni Pascual.
Nanlaban din ang driver ng riding in tandem
subalit nabaril din siya at nakuha mula sa kanya ang isang granada na maswerte
namang di sumabog. Naisugod pa sa USM Hospital ang isang suspek subalit di
kalaunan ay binawian na rin siya ng buhay.
Sa isinagawang imbestigasyon ng Soco sa
nasabing insedente, narekober mula sa crime scene ang anim na pirasao ng heat
sealed transparent plastic sachet na pinaniniwalaang naglalaman ng shabu mula
sa namatay on the spot na kasama ng riding in tandem.
Bukod dito, narekober din ang P140.00 na
pera, isang unit ng Nokia 1208 cellphone at ang isang official receipt ng
nasabing motor na nakapangalan kay Chris Paul John Tomo na may address na
Valencia City. Sa ngayon wala pang pagkakakilanlan ang dalawang mga lalaki
dahil walang dokumentong nagpapatunay ng kanilang identity.
Sa ngayon naka-impound sa Kabacan PNP ang
narekober na sasakyan at isailalim sa masusing imbestigasyon.
Maliban dito, narekober naman ng SOCO team
ang anim na basyo ng 9mm na pistol.
Sinabi naman sa eksklusibong panayam ng DXVL
News kay S/Supt. Roque Alcantara na mas lalo pa nitong paiigtingin ang kanilang
kampanya kontra talamak na bentahan ng illegal na droga sa buong probinsiya ng
North Cotabato, partikular na sa Kabacan, ito makaraang nakipag-pulong na siya
kay Kabacan Mayor George Tan, para ma-i-address ang nasabing ugat ng krimen sa
bayan. (Rhoderick Beñez)
0 comments:
Mag-post ng isang Komento