(Kabacan, North Cotabato/June 26, 2012) ---Nagtaka
ang mga subscribers ng Northwest Cable TV Network ng singilin sila ng nasabing
cable service provider ng dagdag na P50.00 para sa kanilang pay per view sa
nagdaang laban ni Manny Pacquiao.
Isa na dito si Ginoong Francisco Garcia na residente
ng Brgy. Osias, Kabacan makaraang wala naman umanong abiso ang nasabing cable
network na magdadagdag sila ng singil sa nasabing laban, lalo pa’t apat ang
cable line nito.
Ibig sabihin, bukod sa 350 pesos bawat cable
line na binabayaran kada buwan, madadagdagan ito ng dalawang daang piso ngayong
buwan ito dahil sa pay per view sa nagdaang Pacquiao-Bradley fight.
Sa panayam ng DXVL news kay NCTVN head
operator Nelson Ruel Catamco, ang dagdag singil ay ipinatupad nila makaraang
nagbayad umano sila sa Solar Sports ng abot sa P80,000.00 dahilan para ipatong
nila ang nasabing charge sa mga subscribers.
Giit pa nito na ang nasabing charge ay mas
mura kumpara sa ilang mga cable provider sa Socsargen na abot sa P600-650 ang
pay per view.
Pero sa kabila nito, patuloy pa rin silang
nirereklamo ng mga cable subscriber. (Rhoderick Beñez)
0 comments:
Mag-post ng isang Komento