(Kabacan, Cotabato/June 26, 2012) ---Bulagta
at nakahandusay ang bangkay ng isang lalaki ng matagpuan sa oil palm plantation
na nasa tabi ng ilog sa brgy. Dagupan, Kabacan, Cotabato alas 6:25 kagabi.
Ayon kay Supt. Raul Supiter, hepe ng Kabacan
PNP agad na kinilala ng kanyang kamag-anak ang biktima na si Tatugan Kadil,
nasa tamang edad, may asawa, magsasaka at residente ng Purok Chrislam 1 ng
nabanggit na lugar.
Ayon sa report ni Brgy. Dagupan Kapitan
Raymundo Garcia, isa umanong farm maintenance ni Dr. Pablito Pamplona ang
nakakita sa nasabing bangkay sa mismong oil palm plantation na tinatrabahuan
nito.
Nanguna sa isinagawang imbestigasyon si PCI
Tirso Pascual ng Kabacan PNP kungsaan nabatid na ang biktima ay nagtamo ng
iba’t-ibang tama ng bala sa katawan na nagresulta sa agara nitong kamatayan.
Wala umanong saplot sa ibaba ang biktima ng
matagpuang nakadapa ito.
Walang namang anumang ebedensiya na
narekober sa crime scene, ayon sa report.
Sa ngayon ay kinuha na ng kanyang kamag-anak
ang biktima at inilibang batay sa kaugalian ng mga Muslim.
Patuloy naman ang ginagawang imbestigasyon
ng mga otoridad sa totoong motibo sa pagbaril sa biktima. (with reports from
SP01 Kenneth Garbin/Rhoderick Beñez)
0 comments:
Mag-post ng isang Komento