(Midsayap, North Cotabato/June 26, 2012) ---Hiniling
ng Nagkakaisang Samahan ng mga Magsasaka ng MalMar o NAGKASAMMA sa Department
of Agriculture na kung maari ay mabigyan sila ng isang multi- purpose pavement.
Ipinaabot ng natukoy na farmers’s
association ang kanilang kahilingan noong June 19 ng taong kasalukuyan kung saan
matatandaang pinangunahan ni DA Sec. Alcala ang inagurasyon ng dalawang
irrigation projects sa Pikit, North Cotabato, ito ayon sa report ni PPALMA News
Correspondent Roderick Bautista.
Sa sulat na ipinadala ni NAGKASAMMA
President Nasser Ali, magiging malaking tulong umano ang nasabing multi-
purpose pavement sa panahon ng ani.
Gagawan naman ng endorsement ng tanggapan ni
North Cotabato 1st District Cong. Jesus Sacdalan ang nasabing
kahilingan ng mga magsasaka upang ma-aksyunan ng Department of Agriculture.
Ang Nagkakaisang Samahan ng mga Magsasaka ng
MalMar ay nakabase sa Sitio Lanitap, Brgy. General Luna, Carmen, North
Cotabato.
Kaugnay nito ay natanggap na rin ng mga
magsasaka sa lugar ang abot sa P31 Milyon mula sa gobyerno bilang kabayaran sa
naapektuhang submerged area ng kasalukuyang implementasyon ng Malitubog-
Maridagao Irrigation Project.
0 comments:
Mag-post ng isang Komento