(Kabacan,
North Cotabato/June 7, 2012) ---Kulungan ang bagsak ng isang 28 taong gulang na
lalaki makaraang mahuli sa isinagawang buybust operation ng mga elemento ng
Kabacan PNP sa isang boarding house na nasa Corner Matalam st. at Mercado St.,
Poblacion alas 4:30 kahapon ng hapon.
Kinilala
ni Supt. Raul Supiter, hepe ng Kabacan PNP ang nahuli na si Frances Magno
Santos Jr., residente ng nabanggit na lugar.
P300.00
ang marked money na ginamit sa buybust operation na ginamit ng pseudo buyer,
kungsaan batid ng mga otoridad na positibong nagbebenta at gumagamit ng illegal
na droga na pinaniniwalaang shabu ang suspetsado.
Maliban
sa mga drug paraphernalia’s narekober din sa naturang bahay ang magazine ng
isang pistola na naglalaman ng apat na live ammos.
Ang
bahay na hinalughog ng mga otoridad ay boarding house ng mga estudyante na
pagmamay-ari ng pamilya Santos, ayon sa report.
Kasong
paglabag sa RA 9165 ang kakaharapin ng suspetsado.
Kasama
sa nasabing operation si P/Chief Insp. Jubernadine Panes, Deputy chief ng
Kabacan PNP, Poblacion Kagawad David Don Saure, DILG at mga operatiba ng
Kabacan PNP.
Si
Santos ang pag-labing anim na sa mga nahuli simula buwan ng Mayo lahat ay
positibo at nasampahan na ng kaso. (Rhoderick Benez)
0 comments:
Mag-post ng isang Komento