(Kabacan, North Cotabato/May 14, 2012) ---Labin
walong mga Out of School Youth dito sa Kabacan ang sumailalim ngayon sa
programa ng Department of Social Welfare and Development o DSWD na Government
Internship Program o GIP.
Ayon kay Kabacan MSWD Officer Susan
Macalipat, edad 18 hanggang 30 ang kwalipikado sa nasabing programa at
karamihan sa mga ito ay drop –out sa eskwelahan.
Ang nasabing programa ng ahensiya ay
kauna-unahang ipinapatupad ngayong taon sa buong bansa upang mabigyan ng
trabaho ang mga OSY na mga indibidwal.
Apat na mga programa ng DSWD ang tinututukan
ng mga ito kabilang na ang: DAY CARE, Supplemental Feeding, nutrition at food
for Work.
Tatanggap ang mga ito ng P260.00 kada araw
sa loob ng 52 araw na internship na magtatapos sa buwan ng Hulyo. (Rhoderick
Benez)
0 comments:
Mag-post ng isang Komento