(Matalam, North Cotabato/May 16, 2012) ---Nagpapagaling
ngayon ang mag-asawang Alfredo at Emelda Tanaib sa ospital makaraang pagtatagain
sa mismong bahay nila sa Purok 3, brgy Sarayan, Matalam, Cotabato dakong alas
4:00 ng hapon nitong Sabado.
Kinilala ng Matalam PNP ang mag-amang
suspetsado na sina Benjamin at Melvin Lamaclamac na residente rin ng nabanggit
na lugar.
Sa inisyal na pagsisisayat ng Matalam PNP
lumalabas na nagsimula umano sa di pagkakaintindihan ang nangyaring
pakikipagtalastasan ng mga ito na humantong sa di pagkakaintindihan.
At dahil nasa impluwensiya ng alak ang
dalawang suspetsadong Lamaclamac dumilim ang kanilang paningin at pinagtataga
ang mag-asawang Alfredo at Emelda kasama
ang kanilang anak na nadamay sa nasabing away na nakilalang si Alex.
Bagama’t di napuruhan ang batang Tanaib,
isinugod naman sa Amas provincial hospital ang magulang nito.
Patuloy namang pinaghahanap sa batas ang
mag-amang salarin para mapanagot sa krimeng ginawa. (Rhoderick Beñez)
0 comments:
Mag-post ng isang Komento