(Kabacan, North Cotabato/May 15, 2012) ---Ngayong
linggo na magsisimula ang Brigada Eskwela sa probinsiya ng North Cotabato, ito
upang ihanda ang bawat paaralan para sa darating na pasukan.
Sinabi ni North Cotabato DepEd Supervisor
Alfred Sagucam na magtulong-tulong sa nasabing gawain ang mga guro, magulang ng
mga bata at iba pang organisasyon upang linisin ang paligid ng kanilang
paaralan, pagkukumpuni ng mga upuan, paglalagay ng pintura at iba pa para
maisaayos na ang eskwelahan sa pagbubukas ng klase ngayong Hunyo a-kwatro.
Kaugnay nito, inaasahang aabot sa 200,000 na
mga bata sa mula kindergarten hanggang highschool ang balik eskwela sa buong
division ng North Cotabato ngayong SY 2012-2013.
Bagaman walang pang opisyal na talaan ang
DepEd Supervisor sa nasabing bilang, umaasa naman ang opisyal na madadagdagan
pa ang nasabing bilang ng mga estudyante dahil sa ipapatupad na K+12 ng DepEd.
Dahil dito, lubos naman ang pasasalamat ni
Sagucam sa lahat bilang suporta lalo na ng mga magulang at ng kagawaran ng
Edukasyon dahil sa nagiging institusyon na ang nasabing “Brigada Eskwela” na
malaking tulong para sa kanilang mga guro. (Rhoderick Benez)
0 comments:
Mag-post ng isang Komento