Matapang na firemarshall ng North Cotabato, nagretiro na

(Kidapawan City/May 14, 2012) ---Pormal ng nagretiro nitong Sabado ang Provincial Marshall ng North Cotabato na si Supt. Romeo Tactaquin  kungsaan di na nito inakala na makakaabot pa siya sa araw ng kanyang retirement.

Akala kasi ng opisyal na katapusan niya na noong Pebrero a-19 matapos na matamaan ng shrapnel ng 81-mm mortar na itinanim sa mismong kinatatayuan nito noong inatake ang city Jail ng Kidapawan.

Aniya maging ang ilang mga ngipin nito ay nawala matapos ang pangyayari, tatalong buwan na angnakararaan matapos ang insedente.

Ito ang isa sa mga karanasan na ibinahagi ni Tactaquin kasabay ng kanyang retirement ceremony nitong umaga ng Sabado kasabay din ng kanyang ika-56 na taong kaarawan.

Sa kanyang mensahe, sinabi ng matapang na firemarshall na binigyan pa ito ng Panginoon ng ikalawa pang buhay para mapagsilbihan pa nito ang taong bayan.

Kabilang sa naging bisita ng opisyal sa simpleng seremonya ng kanyang pagretiro ay ang pamilya ni Benny Balmediano, isa sa mga Red Cross volunteer na namatay sa nasabing pag-atake.

Si Balmediano ay remisponde sa nasabing insedente upang mag-rescue sa mga nasawi at mga sugatan pero di nito akalain na madadamay siya sa trahedya.

Sa kabila nito, kinilala naman si Balmediano bilang bayani ng Philippine Red Cross, habang ginawaran naman ng, “Medalya ng Kagitingan” (Medal of Valor) si Tactaquin.

Si Tactaquin ay nagserbisyo sa loob ng 30 taon, kungsaan nanungkulan ito sa limang mga firestation sa Southwest Mindanao; ang pinakamahabang sito ay ang pagkakadestino nito sa Cotabato City.

Planu ng opisyal na bumili ng ektaryang lupa sa isang lugar sa North Cotabato  upang pagtamanan ng rubber trees matapos ang kanyang retirement. (Rhoderick Benez)