(North Cotabato/April 25, 2012) ---Sa
halip sa mga kampo ng mga rebelde ma-expose ang mga kabataan, mas maige nang sa
mga kampo ng militar sila matuto ng iba’t ibang ‘core values’, tulad ng
‘commitment’, ‘loyalty’, at ‘honesty.’
Ito ang sinabi ni Raymond Domingo,
staff ng National Youth Commission, sa pagsisimula ng apat na araw na Youth
Leadership Summit na may temang, “Peace: a Shared Responsibility”.
Dumalo sa naturang summit ang mga
opisyal ng Sangguniang Kabataan (SK) mula sa 23 mga barangay sa President Roxas
-- isa sa mga bayan sa North Cotabato na umano impluwensiyado ng iba’t ibang
mga armadong grupo.
Ang Philippine Army, katuwang ang
President Roxas LGU at ang National Youth Commission, ay nagsagawa ng
kauna-unahang youth summit sa mismong training camp ng 602nd Brigade
sa may Barangay Nasapian, Carmen, North Cotabato.
Ayon kay Lt. Manuel Gatus, hepe ng
civil military operations ng 57th IB ng Army, apat na araw ang
pag-aaral na gagawin ng mga partisipante patungkol sa iba’t ibang core values
na makakatulong sa pang-araw-araw nilang pakikisalamuha sa kanilang mga
nasasakupan, sa pakikipag-kapwa-tao nila, at sa pakikitungo nila sa
kani-kanilang mga magulang at kapatid.
Tiningnan ni Kaye Mahimpit,
federation chair ng Sangguniang Kabataan, na isang pagkakataon sa kanila na
mailayo sa droga ang kapwa niya Kabataan.
Sa murang kaisipan kasi ng Kabataan,
madali raw sila’ng tahakin patungo sa ‘maling landas.’
Naniniwala si Domingo na ang mga
Kabataan ang magiging lider ng susunod na henerasyon – isang hamon na tinanggap
ng mga SK officials ng President Roxas.
0 comments:
Mag-post ng isang Komento