(Kabacan,
North Cotabato/April 27, 2012) ---Kulungan ang
bagsak ng isang 36-anyos na lalaki makaraang pagsasaksakin nito ang isang
lineman ng Cotelco nitong Miyerkules ng hapon sa brgy. Katidtuan, Kabacan,
Cotabato.
Batay sa report, binawian ng buhay
si Eduardo Gerodias, nasa tamang edad at residente ng brgy. Osias ng nasabing
lugar bandang ala una ng madaling araw kahapon matapos masaksak.
Ang suspek kinilalang si Steve
Guillermo, may asawa at residente ng brgy. Katidtuan.
Ayon sa report, kinukumpuni ng biktima
ang sira’ng linya ng kuryente sa isang pamamahay sa may Barangay Katidtuan nang
lapitan at saksakin ng may-ari mismo.
Nagtalo
raw muna ang dalawa bago kinuha ng suspect ang kutsilyo at sinaksak ng maraming
beses sa dibdib ang lineman.
Isinugod
sa pinakamalapit na ospital dito sa bayan ng Kabacan ang biktima at bandang
alas-dose ng hatinggabi, kahapon, inilipat ito sa Kidapawan Medical Specialist
Center sa Kidapawan City.
Pero
dahil sa matinding sugat, binawian ng buhay ang biktima, bandang ala-130 ng
umaga kahapon.
Sa
ngayon naghihimas ng malamig na rehas bakal ang suspetsado habang inihahanda na
ang kaong kanyang kakaharapin.
Si
Gerodias ang ikalawang trabahante ng Cotelco na biktima ng karahasan sa bayan
ng Kabacan, nito’ng linggo’ng ito lang.
Ang
una ay isang gwardiya ng Cotelco sub-station sa Barangay Aringay na si Max
Ganion na binaril sa ulo habang pauwi ng bahay sa naturang lugar. (Rhoderick
Beñez)
0 comments:
Mag-post ng isang Komento