(Pikit, North
Cotabato/April 24, 2012) ---Naging mainit ang partispasyon ng iba’t- ibang
sektor sa isinagawang voluntary blood donation activity sa bayan ng Pikit,
North Cotabato.
Umabot sa 46 bags of
donated bloods ang nalikum ng mga kinatawan ng Cotabato Regional Medical Center
o CRMC Blood Bank at Red Cross mula sa buong araw na aktibidad.
Idinaos ang blood
donation activity sa pangunguna ng tanggapan ni North Cotabato First District
Cong. Jesus Susing Sacdalan sa pakikipagtulungan sa CRMC bilang pagtugon na rin
sa kahilingan ng mga mamamayan ng Barangay Poblacion Pikit.
Ipinapaabot naman ni
Poblacion Pikit Barangay Kagawad Frammy Villanueva ang pasasalamat sa tanggapan
ni Cong. Sacdalan,CRMC at ed Cross dahil sa hakbang na isagawa ang blood
donation sa kanilang lugar.
Inanunsyo naman ni
Congressional District Office Focal Person for Special Operations Benny Queman na
magtutuloy- tuloy ang voluntary blood donation activities sa buong unang
distrito ng North Cotabato.
Ayon naman sa mga
eksperto, isa sa maraming benipisyo ng padodonate ng dugo ay nababawasan ang
sobrang iron sa katawan na nakukuha dahil sa over consumption.
Ang sobrang iron sa
katawan ay nakapagpapataas ng formulation ng free radicals na nagiging sanhi ng
pinsala sa body cells at tissues.
Ang free radicals na
ito ay kalimitang naiuugnay sa mga sakit tulad ng heart disease at cancer.
Kaya hinihiyat ng
tanggapan ni Cong Sacdalan, CRMC at Red Cross ang bawat mamamayan na magdonate
ng dugo upang makamtan ang benepisyong hatid nito sa katawan. (Roderick
Bautista)
0 comments:
Mag-post ng isang Komento