(Cotabato
Province/April 13, 2012) ---Nais ng ilang mga electric cooperative sa Mindanao
na hilingin sa National Power Corporation o Napocor na ‘wag muna’ng ipatupad
ang preventive maintenance ng Pulangi-4 hydroelectric power plant.
Ang kahilingan
ginawa ng South Cotabato Electric Cooperative o SOCOTECO at ang Cotabato
Electric Cooperative o COTELCO.
Ang Socoteco at
Cotelco ay kapwa kasapi ng Association of Mindanao Electric Cooperatives o
AMRECO.
Ayon kay Vicente
Baguio, spokesman ng Cotelco, napagkasunduan ng kanilang asosasyon sa ginanap
na pre-energy summit noong nakaraang linggo sa Davao City na hilingin sa
Napocor na ‘wag munang ipatupad ang power shutdown ng Pulangi-4.
Ito ay hangga’t ‘di
pa naipapasok sa grid ang 100-megawatts na kuryente mula sa Iligan Diesel-fed
Power Plant o IDPP sa Iligan City.
Nais kasi ng AMRECO
na ipasok muna sa Mindanao grid ang kuryente mula sa IDPP bago gawin ang
preventive maintenance sa Pulangi-4.
Kapag kasi nag-shutdown
ng kuryente ang Pulangi-4, tiyak malaki ang madadagdagan sa kakulangan ng
elektrisidad sa malawak na bahagi ng Mindanao.
At kasama, siyempre,
sa maaapektuhan ang service areas ng Cotelco at ng Socoteco, ayon kay Baguio.
Nakatakda kasi na
ipatupad ng Napocor ang preventive maintenance sa Pulangi-4, simula ngayong
April 17. Tatagal nang hanggang isang
buwan ang shutdown ng naturang planta, ayon na rin sa report.
Kapag nangyari ito,
tiyak na mahaba-habang blackout ang mararanasan ng taga-Mindanao, lalo na ang
mga electric co-op na walang pinagmamay-ariang generator o standby power plant.
0 comments:
Mag-post ng isang Komento