(Kidapawan city/April 11, 2012) ---Kasama sa
hinatulan ng kamatayan dahil sa salang pagpatay kay Father Fausto Tentorio,
PIME., ang presidente ng Pilipinas na si Benigno Simeon Aquino III.
Ang indictment ay may petsa’ng December 11,
2011 pero inilabas ito ng Merardo Arce Command ng NPA Southern Mindanao
Regional Operations Command sa isang press statement, kamakalawa.
Maliban kay PNoy, kasama ring hinatulan ng
kamatayan ng NPA sina Defense Secretary Voltaire Gazmin; AFP chief of staff Lt.
Gen. Jessie Dellosa; at anim pang mga opisyal ng AFP Eastern Mindanao Command.
Nasa listahan din ng NPA ang negosyante’ng
si Patrick Wineger na noong March 8 nila pinatay.
Wanted din ang isang Junie Corvala o si
Kumander Iring na itinuturing ng NPA na lider ng mga Bagani; magkapatid na
Jimmy at Roberto Ato; isang Nene Durano; isang alias Cain; at maraming iba pa.
Ayon sa Merardo Arce Command ng NPA,
nahaharap sa kasong war crimes, crimes against humanity, at paglabag sa
International Humanitarian Law ang naturang
mga personalidad.
Naniniwala ang grupo na ang pagpatay sa
pari’ng si Tentorio ay naisakatuparan sa pamamagitan ng pinaigting na Oplan
Bayanihan na ipinatutupad ng AFP.
Ang Oplan Bayanihan – na dati’ng Oplan
Bantay Laya, ay isang counter-revolutionary strategy na noon pang mga nagdaang
administrasyon sinimulang ilunsad na ang layon ay durugin ang kilusang
komunista.
Ayaw namang patulan ng AFP ang ipinalabas na
hatol na kamatayan ng NPA kay PNoy at sa kanilang mga opisyal.
Sinabi ni Col. Leopoldo Galon ng Eastern
Mindanao Command na walang bago sa mga isinulat ng Merardo Arce Command at
matagal na raw ito’ng pinag-usapan.
At nasa korte na rin ang mga kaso ng
pagpatay kina Father Tentorio at Wineger, ayon pa kay Galon.
0 comments:
Mag-post ng isang Komento