(Koronadal
City/ April 11, 2012) ---Simula sa Abril 18,
ipatutupad na unang bugso
ng dagdag-sahod para sa
mga manggagawa sa
pribadong sektor sa buong
Soccsksargen Region.
Batay sa
Wage Order No. 17 ng
Regional Tripartite Wages
and Productivity Board ng
Rehiyon 12 na sinimulang inilathala noong Abril 4, anim na pisong cost
of living allowance ang idadagdag sa arawang
sahod ng mga manggagawa sa retail
at service sector,
walong piso sa agriculture
sector, at sampung piso
sa non-agriculture sector.
Dahil
ipinasok na sa basic
salary ang P15
na arawang COLA na iniutos sa
Wage Order No. 16, ang arawang
sahod ng mga manggagawa sa mga
lalawigan ng North Cotabato, South
Cotabato, Sultan Kudarat at Sarangani at
mga lungsod ng Cotabato, Kidapawan, Tacurong, Koronadal, at General
Santos ay magiging
P270 sa mga manggagawa sa non-agriculture,
P248 sa agriculture plantation, P243 agriculture non-plantation, P246 sa
retail/service na may mahigit 10 trabahante, at P240 retail/service na may hindi
lalampas sa sampung manggagawa.
Sa
Disyembre 1, taong kasalukukuyan,
ipatutupad naman ang ikalawang
bugso ng dagdag-sahod
upang makumpleto ang P10 hanggang
P14 na
umento sa sahod batay sa
Wage Order No. 17.
Ito
ay P4
bawat araw sa agriculture
plantation sector at retail/service sector na may
mahigit sampung manggagawa at P6 sa agriculture non-plantation sector at retail/service
sector na hindi lalampas sa sampung empleyado.
Nangangahulugan
ito na simula sa Disyembre ang
pinakamababang pasahod sa rehiyon ay
P270 sa sector ng non-agriculture, P252 sa agriculture plantation , P249 sa agriculture non-plantation, P250 sa retail/service na may mahigit 10 manggagawa, at P246 sa retail/service na may hindi lalampas sa sampu
ang empleyado. (Danilo Doguiles/PIA 12)
0 comments:
Mag-post ng isang Komento