Written by: Rhoderick Beñez
(Matalam, North Cotabato) ----Kalaboso at naghihimas ngayon ng malamig na rehas bakal ang suspek na pumatay mismo sa kanyang ama sa Matalam, North cotabato dakong alas 9:30 nitong linggo ng umaga.
Batay sa report ng Matalam PNP, kinilala ni P/Chief Insp. Elias Diosma Colonia, hepe ng Matalam PNP ang biktima na si Juanito Juala, magsasaka at residente ng Purok 12, Brgy. Sarayan, Matalam, Cotabato.
Batay sa report, sinugod umano ng suspek na si Ruben Juala, 40 –anyos, walang asawa at residente ng nabanggit na lugar ang bahay ng kanyang ama ng walang sabi-sabing pinagsasaksak ang biktima na naging dahilan ng agara nitong kamatayan.
Hindi pa makuntento ang suspek at idinamay pa nito ang kanyang ina dahilan din kung bakit nagtamo ng sugat sa noo si ginang Juala.
Napag-alamang may hinanakit ang suspek sa kanyang ama dahil sa hindi nito pagpayag na ibenta ang kalabaw at nauwi ito sa isang trahedya.
Bagama’t nakatakas ang suspek matapos ang insedente ay nahuli pa rin ito ng mga pulisya.
Sa ngayon nasa Antipas Medical Specialist naman ang ginang kungsaan patuloy na nagpapgaling habang nasa Amas Provincial Jail ang nasabing suspek.(with report from Vanea Delfa Cuenca)
0 comments:
Mag-post ng isang Komento