Written by: Rhoderick Beñez
Kung si Moro Islamic Liberation Front o MILF spokesperson Von Al Haq ang tatanungin, wala pang kumento ang MILF hinggil sa ulat na pag-apruba ng Pangulong Benigno Aquino III sa panawagang pagbuo ng isang Muslim Autonomy state sa Mindanao.
Ito ang sinabi ng opisyal sa DXVL – Radyo ng Bayan dahil kasalukuyang nag-uusap pa umano ang gobyerno ng Pilipinas at ang MILF at hindi pa natatapos ang mga mahahalagang isyu tungkol sa problema sa Mindanao.Iginiit pa nito na dapat ay hintayin muna ang magiging resulta ng pag-uusap.
Bagama’t lingid pa umano sa kaalaman ng opisyal ang nasabing report, inihayag naman nitong “welcome ang lahat ng mga positive initiate” na ginagawa ng gobyerno.
Umaasa naman si Al Haq na magiging maganda ang ginagawang pag-uusap ng dalawang panig.
Kaugnay nito, hinikaya’t din ng opisyal ma-Muslim man o Kristiano na suportahan ang usapang pangkapayaan.
0 comments:
Mag-post ng isang Komento