(Kabacan, North Cotabato/ October 20, 2015)
---Tuluyan ng binawian ng buhay si dating Pisan Kapitan Remegio Alejo matapos
na atakehin sa puso habang ginagamot sa Madonna Ospital sa Kidapawan City
makaraang isugod ito matapos na pagbabarilin sa loob ng kanilang bahay habang
naghahapunan sa brgy. Pisan, Kabacan, Cotabato alas 6:48 kagabi.
Ito ang kinumpirma sa DXVL News ni Mayor
Herlo Guzman Jr., sa panayam ng DXVL News ngayong umaga.
Sa impormasiyong nakarating kay PSI Ronnie
Cordero, pinuno ng Kabacan PNP na habang kumakain ng kanilang hapunan ang
pamilya Alejo ay bigla pumasok ang isang suspek nan aka-suot ng kulay itim na
T-shirt may taas na 5’3 at pinagbabaril ang biktima gamit ang kalibre .45 na
pistol.
Nagtamo ng tama ng bala ang biktima sa
kaliwang balikat nito dahilan kung bakit naisugod ito sa ospital.
Mabilis namang tumakas ang suspek papuntang
Palm Oil Plantation.
Ayon sa report, matagumpay pang na-operahan
ang si dating kapitan Alejo, pero mga bandang alas 4:20 kaninang umaga ay
tuluyan na itong binawian ng buhay matapos na atakehin sa puso.
Malaki naman ang paniniwala ng PNP na may
kaugnayan ang nangyaring pamamaril sa nangyari ring insidente ng pamamaril
noong Abril sa tatlong miembro ng isang pamilya sa bayan ng Kabacan kung saan
son in law ni Alejo ang isa mga biktima nito.
Kahapon, matapos umano ang hearing sa
nabanggit na kaso ay nangyari ang krimen.
Problema naman sa lupa ang duda ng PNP sa
motibo sa insidente na ngayon ay patuloy nilang iniimbestigahan.
Patuloy pa ngayon ang ginagawang
imbestigasyon ng mga pulisya upang alamin kung anu ang motibo sa nasabing krimen
at mapanagot ang suspek hinggil dito. Rhoderick
Beñez
0 comments:
Mag-post ng isang Komento