(Pikit, North Cotabato/ October 23, 2015) ---Abot naman
sa mahigit 115 mga motorsiklo at mga tricycle ang nahuli ng mga pulisya sa
ikinasang ‘Lambat Bitag’ ng pinagsanib na pwersa ng pulisya katuwang ang CPPO
sa National Highway ng Poblacion, Pikit, Cotabato kahapon ng umaga.
Sa panayam kay PI Sindato Karim, hepe ng Pikit PNP
nahuli ang nasabing sasakyan dahil sa mga paglabag sa alituntunin ng traffic
division ng PNP kagaya ng kawalan ng lisensiya, driver’s license, walang OR/CR,
walang helmet at iba pa.
Agad namang dinala sa LGU Pikit ang nahuling mga
sasakyan.
Makukuha lamang ito kapag makabayad na ng kani-kanilang
violations ang mga operator/drayber nito.
Ang nasabing aktibidad ay bahagi ng kampanya ng CPPO sa
anti-carnapping.
Samantala sa kaugnay na balita, dalawang mga suspected
carnapper ang nahuli ng mga pulisya sa nasabing operasyon na inilatag sa
National Highway sa bayan ng Pikit, kahapon.
Kinilala ang mga natimbog na sina Muhajid Masul Omar,
22-anyos, may asawa kungsaan narekober mula sa kanya ang isang 125 motorcycle
at isang Anot Omar Olap, 25-anyos kapwa residente ng brgy. Pagatin, Datu
Salibo, Maguindanao.
Ayon kay PI Sindato Karim, ang nasabing mga sasakyan ay
tinangay ng mga suspek buhat sa Davao City.
Sa ngayon inihahanda na ng Pikit PNP ang kasong isasampa
laban sa kanila. Rhoderick Beñez
0 comments:
Mag-post ng isang Komento