AMAS,
Kidapawan City (Sep
21) – Tututukan ni PSSupt Alexander Tagum, bagong Police Provincial Director ng
Cotabato Police Provincial Office o CPPO ang pagpapalakas ng police visibility
ganundin ang pagsugpo sa kriminalidad sa kanyang Area of Responsibility.
Ito ang ipinahayag ni PSSupt Tagum matapos
ang Turn Over of Command mula kay OIC PD PSSupt Noel Kinazo sa CPPO
Headquarters, Barangay Amas, Kidapawan City noong Sep 17, 2015.
Ayon kay Tagum, dapat ay laging nakikita ang
mga pulis sa mga matataong lugar upang mapanatili ang kaayusan at protektahan
ang mga sibilyan laban sa mga masasamang loob.
Kasabay raw nito ang paglilinis sa hanay
mismo ng kapulisan na gagawin ni Tagum alinsunod na rin sa marching order ng
Police Regional Office 12.
Si dating CPPO PD Danilo Peralta na ngayon
ay nakatalaga na sa PRO 12 sa General Santos City ang nanguna sa turn over
ceremony.
Sumaksi sa seremonya sina 1st
District of Cotabato Board Member Kellie Mohamad Antao, Chairman ng SP Cotabato
Committee on Peace and Order bilang kinatawan ni Gov Emmylou “Lala” J.
Taliño-Mendoza; Dept of Interior and Local Government Provincial Director Ali
Abdullah, Judiciary members, media, mga Chiefs of Police ng iba’t-ibang
munisipyo at iba pang sektor.
Una ng naging Chief of Police ng Kidapawan
City PNP at Head ng CPPO Mobile Group si Tagum ilang taon na ang nakalipas at
kasalukuyang Head ng PNP-CIDG Region 10 bago nailipat bilang PD ng CPPO na siya
naman utos mula sa Camp Crame. (JIMMY
STA. CRUZ-PGO Media Center)
0 comments:
Mag-post ng isang Komento