(Kabacan, North Cotabato/ September 24,
2015) ---Patuloy ngayon ang ginagawang imbestigasyon ng Kabacan PNP sa
panibagong insidente ng pamamaril sa Rizal St., Poblacion, Kabacan, Cotabato
alas 11:00 kamakalawa ng gabi.
Kinilala ni PSI Ronnie Cordero, pinuno ng
Kabacan PNP ang biktima na si Michael Lumikid Mondia, nasa hustong edad, may
asawa at magsasaka at residente ng Panikupan, Pikit, Cotabato.
Batay sa ulat, habang nakatayo ang biktima
sa harap ng budget hotel ng lapitan ng di pa nakilalang riding tandem suspect
sakay sa isang kulay itim na Kawasaki Rouser ng pagbabarilin ng mga suspek
gamit ang kalibre .45 na pistol batay sa mga baling narekober sa crime scene.
Agad namang isinugod ang biktima sa
pinakamalapit na bahay pagamutan matapos na magtamo ng tama ng bala sa leeg
nito.
Patuloy pa ngayong inaalam ng mga kapulisan
kung anu ang motibo sa nasabing krimen. Rhoderick
Beñez
0 comments:
Mag-post ng isang Komento